Menm apre w fin resevwa de rapèl COVID-19, iminite w kòmanse febli, kidonk lè w resevwa nouvo rapèl la sa ka ba w plis pwoteksyon kont viris la, sitou akòz prekosyon yo vin mwen estrik epi n ap antre nan sezon fredi ak grip. Nouvo rapèl yo pwoteje tou kont souvaryan Omicron BA.5 ki kounye ap domine, osi byen ke souch orijinal la. Ou dwe tann omwen de mwa apre dènye vaksen COVID-19 ou anvan ou resevwa yon nouvo rapèl, dapre konsèy Sant pou Kontwòl ak Prevansyon Maladi (Centers for Disease Control and Prevention). Booster Pfizer-BioNTech otorize pou moun ki gen laj 12 an oswa plis, epi rapèl Moderna apwouve pou moun ki gen 18 an oswa plis.

Lè iminite nan yon vaksen kòmanse bese, yon dòz rapèl ka nesesè pou ede “ranfòse” iminite a ankò. Yon dòz rapèl ede ranfòse pwoteksyon kont maladi grav nan popilasyon sa yo ki gen gwo risk pou kontamine ak COVID-19 oswa konplikasyon yon maladi grav tou.

Reyaksyon yo siyale apre yo fin resevwa yon dòz rapèl yo sanble ak sa premye dòz yo, tankou doulè nan misk oswa doulè nan bra kote yo te pran vaksen an. Li ta ka gen ladan tou, lafyèv ki pa twò cho, frison, fatig, maltèt ak doulè nan misk ak jwenti yon lòt kote. Reyaksyon grav, tankou anafilaktik, itikè oswa demanjezon—ki trè ra—ka endike yon alèji ak vaksen an.

Rapèl COVID-19 yo san danje epi efikas. Nou kòmanse wè yon rediksyon pwoteksyon kont maladi COVID-19 modere ak pa twò grav pami moun ki te pran vaksen an konplè. Avèk varyant tankou Omicron ki trè kontajye ak souch grav Delta yo ki toujou ap pwopaje, li enpòtan pou w pran yon piki rapèl le pli vit ke ou kapab. Rapèl yo efikas a 90 pousan nan anpeche moun entène lopital pou sila ki enfekte ak varyant Omicron lan.

Anpil moun ka gen youn oswa plizyè reyaksyon komen ak yon vaksen COVID-19, tankou doulè nan misk oswa doulè nan bra kote yo te ba w yon vaksen. Li ta ka gen ladan tou, lafyèv ki pa twò cho, frison, fatig, maltèt ak doulè nan misk ak jwenti yon lòt kote. Reyaksyon grav ak yon vaksen, tankou anafilaktik, itikè oswa demanjezon, ki trè ra, ka endike yon alèji ak vaksen an. Ou ta dwe konsilte pwofesyonèl swen sante prensipal ou a.

Definisyon “vaksinen konplètman” pa gen ladan piki rapèl la. Yo toujou konsidere tout moun kòm moun ki vaksinen konplètman de semèn apre dezyèm dòz yo nan yon seri de piki, tankou vaksen Pfizer‑BioNTech oswa Moderna, oswa de semèn apre yon vaksen yon sèl dòz, tankou vaksen Johnson & Johnson lan. Yon fwa yon moun kalifye pou yon dòz rapèl—senk mwa apre dezyèm dòz la nan yon seri de piki oswa de mwa apre piki yon sèl dòz la—yo rekòmande yon piki rapèl epi yon moun pa “ajou” sou vaksen COVID-19 yo rekòmande li a. Yon moun ta ka bezwen pran yon piki rapèl pou yo konsidere li kòm “ajou”.

Yo espere vaksen aktyèl yo bay pwoteksyon kont maladi grav, entène lopital ak lanmò akòz enfeksyon ak varyant Omicron lan. Sepandan, enfeksyon malgre vaksinasyon gen anpil chans rive lakay moun ki vaksinen konplètman yo. Avèk lòt varyant, tankou Delta, vaksen yo te rete efikas nan anpeche maladi grav, entène lopital ak lanmò. Aparisyon resan Omicron plis mete aksan sou enpòtans vaksinasyon ak dòz rapèl yo.

Dòz vaksen an se menm nan. Tèm “rapèl” ak “twazyèm dòz” yo diferansye rezon ki fè yo bay yon lòt dòz vaksen. Rezon ki fè yo bezwen yon lòt dòz diferan pou popilasyon jeneral la parapò ak moun ki genyen sistèm iminitè ki fèb yo. Yo rekòmande yon twazyèm dòz omwen 28 jou apre dezyèm dòz la pou moun ki genyen sistèm iminitè ki fèb yo, akòz sistèm iminitè yo fèb, alòske yo ka bay yon dòz rapèl senk mwa apre vaksinasyon konplè (Pfizer-BioNTech) nenpòt moun ki gen 12 lane ak ki pi gran; senk mwa apre vaksinasyon konplè (Moderna) nenpòt moun ki gen 18 lane ak moun ki pi gran; oswa de mwa apre vaksen Johnson & Johnson (J&J) pou nenpòt moun ki gen 18 lane ak ki pi gran, ki gen ladan moun ki te resevwa yon twazyèm dòz. Yon “dòz rapèl” se pou moun repons dezyèm vaksen yo a te gen anpil chans pou l ekselan, men li ap febli, sa ki lakòz iminite yo diminye. Sa a se yon repons byolojik natirèl. Lè iminite nan yon vaksen kòmanse bese, yon dòz rapèl ka nesesè pou ede “ranfòse” iminite a ankò.

FDA Etazini an ak Depatman Sante Eta New York (New York State Department of Health, NYSDOH) la te otorize yon vaksen rapèl Pfizer-BioNTech COVID-19 siplemantè pou moun ki gen 12 lan oswa ki pi gran yo omwen senk mwa apre dezyèm dòz yo. Si w gen kesyon sou kalifikasyon w, konsilte pwofesyonèl swen sante prensipal ou a oswa moun k ap bay vaksen an.

FDA Etazini an ak Depatman Sante Eta New York (New York State Department of Health, NYSDOH) la te otorize yon vaksen rapèl Moderna COVID-19 siplemantè pou moun ki gen 18 lane oswa ki pi gran omwen senk mwa apre dezyèm dòz yo. Si w gen kesyon sou kalifikasyon w, konsilte pwofesyonèl swen sante prensipal ou a oswa moun k ap bay vaksen an.

FDA ak NYSDOH otorize yon vaksen rapèl J&J COVID-19 pou nenpòt moun ki gen 18 lane oswa ki pi gran omwen de mwa apre premye vaksen yo. Si w gen kesyon sou kalifikasyon w, konsilte pwofesyonèl swen sante prensipal ou a oswa moun k ap bay vaksen an.

Moun ki kalifye yo ka chwazi resevwa menm vaksen an oswa yon diferan vaksen ak dòz rapèl yo. Pandan ke seleksyon rapèl la se yon chwa pèsonèl, si ou te resevwa Johnson & Johnson (J&J) pou vaksen prensipal ou a, ou ka anvizaje chanje pou w pran yon vaksen mRNA COVID-19 (Moderna oswa Pfizer-BioNTech) pou rapèl ou a pou plis pwoteksyon kont COVID- 19. Lè w ap anvizaje “melanje ak matche,” ou ta dwe chèche konsèy nan men pwofesyonèl swen sante prensipal ou a.

Moderna te chwazi yon mwatye dòz rapèl paske etid yo endike dòz ki pi fèb sa a deklanche mwens efè segondè, tankou lafyèv ak doulè, men yo toujou ranfòse yon repons iminitè. Li kite tou, plis vaksen disponib pou rezèv mondyal la.

Wi. Si ou poko pran dòz rapèl la epi ou fèk gen COVID-19, ou kalifye pou dòz rapèl la ki kòmanse 10 jou apre kòmansman sentòm yo ak/oswa tès COVID-19 pozitif la, ou santi ou pi byen epi ou pa al nan izolasyon. Si w te gen COVID-19 epi w te resevwa tretman antikò monoklonal, ou kalifye pou rapèl la ki kòmanse 90 jou apre w fin resevwa tretman sa a. Si w gen kesyon sou kalifikasyon w, konsilte pwofesyonèl swen sante prensipal ou a oswa moun k ap bay vaksen an.

Wi, ou ka pran dòz rapèl COVID-19 ou a ak vaksen kont grip la an menm tan. Nou te aprann ke fason kò a devlope repons iminitè li yo ak eksperyans nenpòt efè segondè posib apre yon moun fin pran vaksen an jeneralman se menm bagay la, kit yo bay yon vaksen poukont li oswa yo bay li ak yon lòt vaksen. Ou ka pran vaksen kont grip ou a nan men pwofesyonèl swen sante prensipal ou a oswa nan famasi k ap patisipe yo. Pou jwenn yon sit vaksinasyon COVID-19 toupre w, ale sou sit entènèt nou an, www.1199SEIUBenefits.org/vaccine-locations.

Moun ki gen sistèm iminitè ki fèb ki te resevwa twa dòz konplè swa Moderna oswa Pfizer-BioNTech yo kapab resevwa yon dòz rapèl (katriyèm) omwen senk mwa pou Pfizer-BioNTech oswa Moderna apre dènye dòz yo nan seri prensipal yo. Rapèl la (katriyèm dòz) se toujou yon dòz konplè pou Pfizer‑BioNTech ak yon mwatye dòz pou Moderna. Kounye a, yon twazyèm dòz vaksen Johnson & Johnson (J&J) pa disponib pou moun ki genyen sistèm iminitè ki fèb yo, pou moun sa yo ka resevwa yon maksimòm de dòz: premye dòz prensipal ak yon dòz rapèl. Si w gen kesyon konsènan si yon dòz rapèl apwopriye, konsilte pwofesyonèl swen sante prensipal ou a.

Vaksen Pfizer-BioNTech la otorize epi rekòmande pou moun ki gen 5 lane ak ki pi gran oswa Moderna pou moun ki gen 18 lane ak ki pi gran kòm yon twazyèm dòz pou moun ki genyen sistèm iminitè ki fèb yo. Anjeneral, sa yo enkli moun ki:

• Te sibi grèf ògàn solid oswa yon grèf mwèl zo (selil tij)
• Ap resevwa oswa fèk resevwa tretman pou kansè
• Gen maladi defisyans iminitè, tankou VIH, epi itilize medikaman ki febli sistèm iminitè a, tankou kòtikotewoyid oswa lòt tankou sa yo souvan itilize pou trete pwoblèm sante tankou maladi enflamatwa entesten ak atrit rimatoyid, pami lòt pwoblèm sante.

Si w tonbe nan youn nan kategori sa yo, tanpri diskite ak pwofesyonèl swen sante prensipal ou a pou konnen si yon twazyèm dòz vaksen an bon pou ou.

Yo rekòmande yon twazyèm dòz omwen 28 jou apre dezyèm dòz la pou moun ki genyen sistèm iminitè ki fèb yo. Gen prèv solid ke repons iminitè kont vaksen an ka limite lakay moun ki gen yon sistèm iminitè ki fèb. Yo demontre ke yon twazyèm dòz ogmante yon fason siyifikatif kapasite kò a pou l reyaji ak anpeche yon moun enfekse ak viris ki lakòz COVID-19 la. Si w gen kesyon sou kalifikasyon w, konsilte pwofesyonèl swen sante prensipal ou a oswa moun k ap bay vaksen an.